Simon in Kanada
  Startseite
  1. Wuche
  2. Wuche
  3. Wuche
  4. Wuche
  5. Wuche
  Kontakt

Links
  Foeteli
  Wandertrupp


https://myblog.de/simoninkanada

Gratis bloggen bei
myblog.de





 
samstig

nach noed allzuviel schlof, bini huet mitem matthias, emene andere schwizer, anen salon gange. nach knapp ere stund, hemmer aber scho alles gseh und hend ues uf de weg zum mexikaner gmacht. dete acho, hemmer es choestlichs menu zu ues gnoh.
spoeter am obig, isch nu de hockeymatch gege d'atlanta trashers agstande. da i mis letschte spiel noed wuerkli han welle verpasse, bini scho recht frueh vors stadion zum mis ticket z'sichere, was mer au glunge isch. da s'veruse so chalt gsi isch, bini scho oepe 2 stund vorem match is stadion und han dete ide waermi gwartet.
wie scho bi mim leschte match in vancouver, isches au dasmal wieder zumene penaltyschuesse cho. villicht hends das ja extra gmacht? d'trashers hend denn schlussendlich gwunne und ich han mi uf de heiweg gmacht.

sunntig

huet isch wiedermal en tag eifach zum relaxe agstande und bin eigentli nur de ganz tag chle diheime umeglege.

maentig

start zur 2. session. bin jetzt wieder is niveau 4 ufgstiege und da zimli viel studente uebers wuchenend wieder hei sind, simmer huet z'zweite ide klass gsi.

zistig

da huet die nue schueler id klass choemt, simmer noeme nur zweite gsi, sonder nue z'fuefte. bin mitere duetsche, ere schwizer in, e tschechin und emene brasilianer ide klass.
am obig simmer wieder mal is cafi campus gange, aber noed allzu lang, da ja more wieder schuel isch.

mittwuch

irgendwie hani huet morge doch noed moege ufstoh und so isches halt dezue cho, dassi am morge schwiiz-finland han choene am tv luege, also a minere unterstuetzig hets noed glege.
am obig, isch wieder a welcome-party gsi, aber leider isch noed wuerkli viel los gsi.

dunstig

jawol, sieg gege tschechie. zum glueck han ich ja e tschechin ide klass und sie het d'welt noem verstande.
am spoetere numitag simmer nu ines pub, und hend de match canada-germany gluegt. grad druf hemmer nu de lauf vom stephane lambiel zur silber-medaille gseh.

fritig

huet hets wieder mal richtig iis gaeh und es het au richtig gstuermt gha. wie das tah het chamer sich gar noed richtig vorstelle. ganz lastwege hets umkippt und knapp 3 minute vo mim dihei entfernt, hets en fluss mitere isebahnbrugg drueber. und en zug, hets schier det abe gwindet. de ganz zug, lehnt am glaender vo de brugg ah. unglaublich. und in downtown, zwueschet de hochhueser, hets die schier furtblosse. isch wuerkli strub gsi.
am obig, simmer nu gschwind ines pub eis go zieh.



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung