Simon in Kanada
  Startseite
  1. Wuche
  2. Wuche
  3. Wuche
  4. Wuche
  5. Wuche
  Kontakt

Links
  Foeteli
  Wandertrupp


https://myblog.de/simoninkanada

Gratis bloggen bei
myblog.de





 
samstig

huet hets scho wieder "frueh" ufstah gheisse und zwar es isch wieder mal nhl-hockey time gsi. de match gege d'boston bruins het scho am mittag agfange und somit bin ich au um die zit is stadion pilgeret. de match isch solala gsi und d'canadiens hend 2:0, ohni de streit, gwunne.
am abig hani denn mit zwei kollege nu en gmuetliche pub-obig gmacht.

sunntig

paar luetlis vo philadelphia isch huet in montreal gsi und dass het natuerli wieder hockey gheisse.
bin mitem simon go d'flyers gege montreal go luege. leider het de superstar peter forsberg noed gspielt, da er verletzt isch. janu. canadiens hend d'fyers gschwind 5:0 abeglah und de christobal huet (ex-lugano) het sin 2 shootout i zwei taeg choen fiere.
am obig isch denn uf dem kontinent nu e 2 grossi parti gsi, nameli de XL super bowl. die erst haelfti hani inere bar gseh und die zweit bini denn hei go luege. dete sind denn all fuerd pittsburgh stellers gsi, wo denn au gwunne hend.

maentig

viel hani noed wuerkli gmacht, ussert dassi nach de schuel mit brasilianer eis go zieh bin.

zistig

fast unglaublich aber wahr, aber au huet bini wieder gast im bell center gsi. d'canadiens hend d'buffalo sabres erwartet und hend nach verlaengerig 3:2 verlore.
nachem match hani denn muehse pressiere, da ich nu en verabredig gha han. bin mit paar luetlis ines bekannts cafi, de abig go usklinge lah.

mittwuch

das gester (huet morge) recht spoht worde isch, bini nach de schuel hei und gad is bett. am obig gschwind oepis gesse und chle hockey glueget und scho wieder bis am naechste morge goh schlofe.

dunstig

ufem aktivitaete plan isch huet indoor soccer gstande. mit all denae brasilianer isch denn das en riese gaudi worde und mer het choene fuessball vom feinste betrachte.
danach bini zumene andere student gschwind go dusche und oepis go esse, bevors wieter in usgang gange isch, aber zitlich het sich wuerkli in grenze ghalte.

fritig

letschte schueltag vo de 1. session. fuer viele isches au scho de letschti schueltag gsi, da z'brasilie d'uni wieter gaht.
am abig isch vo de schuel us en abschiedsabig organisiert worde und isch denn au recht gfeschtet worde, bis i die fruehe morgestunde.



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung