Simon in Kanada
  Startseite
  1. Wuche
  2. Wuche
  3. Wuche
  4. Wuche
  5. Wuche
  Kontakt

Links
  Foeteli
  Wandertrupp


https://myblog.de/simoninkanada

Gratis bloggen bei
myblog.de





 
samstig

am morge am 9ni hemmer ues mit de schuel uf de weg richtig quebec an carneval gmacht. nach guet 3 stund busfahre, imene bus vomene hockey-junioreteam (an. Red. 16-jaehrige hockeyaner hend scho ire eigene car), simmer in quebec acho. zerst mal im hotel ichecke und denn ab id stadt. mir sind dete chle umeglofe und hend chle oepis ueber gschicht glernt und sust interessanti sache gseh, unteranderem s'chlinste huus in nordamerika.
am numitag hemmer denn chle de carneval bsuecht, also was fuer die carneval isch, isch fuer ues meh chilbi. ide stadt, hets sonen schlittelstrecki ufgstellt, wo recht geil gsi isch. iisfische, snow-tubing, hockeytorwandschuesse und sust so verschiedeni sache hend ebeso zu de attraktione ghoert.
am obig simmer mit de schuel go z'nacht esse und spoeter denn nu in usgang. womer denn am morge am 3 heicho sind, hemmer doch nu gschwind de final vom federer gluegt...

sunntig

mir hend ues scho wieder frueh uf de weg gmacht und sind en wasserfall go aluege. noed so gross wi d'niagarafaell defuer um so hoecher.
nachdem simmer nu sonens kanadischs uuriwohnerdorf go aluege, isch noed wuerkli so interessant gsi, het wahrschindli au a dere affechaelti glaege.

maentig

da i das wuchenend noed so viel gschlofe han, bini erst uf die numitag id schuel. am obig bini mit em andere simon nu gschwind eis go trinke.

zistig

huet simmer mit de schuel go hockeyluege. d'canadiens hend d'carolina hurricanes empfange. leider hets keis schwizerduell gaeh, da de streit eimal meh nur uf de tribuene gsi isch. d'gerber het aber souveraen gspielt und canes hend au verdient 8:2 gwunne. die ganz reihe hinter mir, sind aelteri schwizer gsi, wo de martin gerber unterstuetzt hend. mir hends denn lustig gha.

mittwuch

und scho isches wieder mal mittwuch gsi. mir sind wieder id die glichi bar wie die letschte mal und isch au wieder spoht worde. bin am halbi fuefi dihei gsi und bin noed mal de letscht vo all dene studente gsi.

dunstig

huet isch vo de schuel us wieder usgang gsi. anschienend mit shoots fuer 1 $, bier fuer 2$ und drinks fuer 3$. aber womer dete acho sind, isch kei spur vo dere aktion gsi. uese activity-guy het do oepis verwechslet. somit isches au dezue cho, dassi recht frueh heigange bin.

fritig

am numitag hemmer ide schuel chle choene game. natuerli het im NHL keine e chance gha mit mini ehrwuerdige devils. leider hani defuer im fuessball chle iglueget gha.
am abig hemmer eigentli nu oepis welle mit brasilianer vo miner klass mache, da die aber absolut keis zitgfuehl hend, simmer allei ines pub und sind au wieder frueh hei.




Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung