Simon in Kanada
  Startseite
  1. Wuche
  2. Wuche
  3. Wuche
  4. Wuche
  5. Wuche
  Kontakt

Links
  Foeteli
  Wandertrupp


https://myblog.de/simoninkanada

Gratis bloggen bei
myblog.de





 
samstig

de claudio isch huet wieder abgreist und ich bin de tag dur chle ide stadt gsi. am abig het denn de host-maa geburtstag gha. sind paar luetlis cho und denn hemmer recht guet z'nacht gesse. isch na lustig gsi.
de obig hani denn nu usklinge lah mit chle hockey. D'Canucks us Vancouver hend d'Canadiens us Montreal klar mit 6:2 gschlage.

sunntig

ussert dasi ide stadt gsi bin, isch eigentli noed viel los gsi.
das git mir chle platz zum mal chle oepis uebers wetter in montreal z'saege (wie interessant ;-))
also de winter sigs ganz komisch da schiens. es wirdi nie richtig chalt und s'wetter wechslet fascht taeglich. mal isches schoen und warm, am naechste tag isches chalt und schniit. so isches au mit de temperature. mal isches 10 grad und am naechste denn sofort wieder -20. die tuefscht temperatur woni bis jetzt do erlebt han, isch -22 grad und wenns denn nu windet isches recht chalt.
es guet biespiel fuer die wetterumschwueng isch letscht wuche gsi. zerst hets gregnet und denn isch ufzmahl sehr chalt worde. das heisst?? genau...iis!! han so oepis nu nie gseh, die ganze strasse, troittoir und alles rundherum het nur na glaenzd. isch echt kuuli erfahrig gsi, obwohls mi bim heilaufe oepe 3mal uf de latz ghaue het.

maentig

han huet entli choene klass wechsle. mir sind momentan 12 schueler und das wechslet all wuche immer wieder. es guend luet und es choemet wieder. also die momentan klass isch wuerkli lustig.
am obig hani chle en hockeyabig gmacht mit canadiens vs. hurricanes, sens. vs. maple leafs und canucks vs. blues.

zistig

huet simmer vo de schuel us is casino. en andere simon het sich ah mini site gheftet und sind somit au zimli die einzige gsi, wo gwunne hend. mir sind nu eis go zieh und natuerli hemmer denn au gern e rundi spendiert.

mittwuch

mittwuch obig avesiert au do z'montreal zum usgang obig. mer sind wieder im gliche club wie letscht mittwuch gsi und isch au demal wieder recht spoht wurde.

dunstig

bin us irgendwelche gruend recht fuhl gsi und han au noed recht id schuel moege.
am obig hani denn nu agfange chle hockey luege, aber bin denn scho oepe gli is bett.

fritig

am eis schuelus gha und denn simmer ab zum mexikaner. mega guet gesse und sind au recht voll gsi (vom esse her). am obig simmer nu ines pub eis go zieh, aber noed allzulang, das am naechste morge gheisse het: frueh us de federe.



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung