Simon in Kanada
  Startseite
  1. Wuche
  2. Wuche
  3. Wuche
  4. Wuche
  5. Wuche
  Kontakt

Links
  Foeteli
  Wandertrupp


https://myblog.de/simoninkanada

Gratis bloggen bei
myblog.de





 
samstig

und scho hets wieder abschied gheisse. nach knapp 10 stunde flug, bini in montreal glandet. es het ziemli gschniit und d'temperatur het sich mit -14 grad nu in grenze ghalte.
bin den spoeter bi minere familie acho und bin druf ab au scho gli is bett.

sunntig

huet bini mit minere muetter, chle stadt go aluege. mir sind mitem auto chle umecruiset. mer stellt sofort fest, dass alles chle aelter isch als in vancouver, aber gseht eigentli nu ganz okey us.
nachem znacht esse, hemmer nu chle gjasset und bin denn mal au scho gli is bett.

maentig

de ersti schueltag. han schnell mal festgstellt, dass es do noeme so viel schwizer het wie in van, aber het glich nu es paar drundert. es het brasilianer und mexikaner do, wie sand am meer.
au demal hemmer zerst wieder en istiegstescht muehse mache, bin den mal vo 7 levels is 4 iteilt worde, da ich anschienen im muendliche ganz komplizierte saetz awende. danke mme godefroy ;-)
d'schuel isch denn fertig gsi und denn isch den de claudio in montreal uftaucht (das isch de, mit dem ich in vancouver immer zaemme gsi bin. er isch sit afang januar chle dur ganz kanada am reise, und isch momentan gad in montreal).
und er het nu e ganz gueti ueberraschig debi gha, naehmli 2 tickets fuers spiel dallas gege montreal huet obig. ok guet, guemmer doch wieder mal chle go nhl luege, yeah!
simmer vorem match nu eis go naeh und denn isches abgange is bell center, oder wies do heisst "centre de bell".
22'000 sind huet im stadion gsi und montreal, mit em mark streit, het gwunne.
nachem match simmer denn numal eis go naeh und zwar ide bar vom jacques villeneuve, wo ja vo montreal chunt.

zistig

de eigentli richtig erst schueltag. bin mit ere duetsche, 2 mexikanerinne und 5 brasilianer ide klass. aber irgendwie hends mi gleb doch chle z'hoech igstuft, han naemli ueberhaupt nuet verstande. han das denn mit minere lehrerin agluegt, und sie het sich denn drum kuemmeret. chan eu etz scho sege, es het oepe 4 gsproech mit lehrerin und direktorin brucht, dass mi am fritig (!) entli umteilt hend. komplizierti sach.
am obig hani mi wieder mitem claudio troffe und sind denn ab go billarde. git au so es center, wie oepe in pfaeffike, aber mit oepe 50 tisch dine.

mittwuch

do z'montreal hets ja es zimli bekannts casino. jede wo scho formel 1 GP vo kanada gseh het, weiss das. also sind de claudio und ich, mal go guegsle, also s'casino isch wuerkli mega schoen und es rendiert au :-) bin mit 100.- meh usegange, als dasi cho bin.
mitem geld im sack simmer den in usgang, und zwar hets vo de schuel us, en welcome party gaeh, isch denn doch wieder recht spoht gsi, bisi dihei gsi bin.

dunstig

heut hend d'canadiens gege calgary gha, aber uswerts. dass het fuer mich und de claudio gheisse, aber ines pub und go luege, vorher nu gschwind eis go billarde und denn hemers ues mit popcorn und bier gmuetli gmacht. canadiens hend aber leider verlore, aber mark streit het so viel iszit uebercho, wie na nie, do ide nhl.

fritig

fritig heisst usgang, aber zerst hemmer nu chle geld brucht ;-) simmer wieder is casino und sind mit je 100.- plus wieder use. sind denn ines gmuetlichs pub ineghockt. mer hend ues de ganz obig mitem personal unterhalte und somit en schoene obig verbracht.



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung